TAG | 石田衣良
今日終於去左書展，先講下有Ｄ咩戰利品先。
一個人食完 Lunch, 大約兩點上巴士，兩點半左右到達灣仔。(神奇的高速公路，中間只需停兩次巴士站而且完全無燈位)
跟住人龍行，即場買票都不用半小時就已經能進入會場。值得一提嘅係今年安排比往年好得好得多，就算參加人次數破記錄，而且係 weekend，但入場速度明顯比往年快同埋不必在場外一邊曬一邊等。用早場而唔係午夜場去減低 peak hour 人數都係好計，常人會唸早少少去，而唔係唸夜Ｄ去。另外就係今年嘅單張同小冊子，又細份又簡單，而且發放垃圾單張的人少，環保意識好似比往年高左好多。(不過我已經唔記得上年係點)
首先，係永遠最迫最人多嘅 Hall 1。好多位迫都迫唔入，不過我反而唔在意依個 hall，大部份都係大間嘅連鎖書店，用左一個鐘，行完一兩轉睇過無心特別想買嘅書就走去大會堂同 Hall 2，而 Hall 5 同 Hall 7 基本上我係完全無唔打算去。
唔明Ｄ人，咁鍾意在大形連鎖書店迫，佢地分店書展期間一樣都有相同 discount，而且地方大嘅分店都有好幾間，要買要睇都唔係揾個咁迫的時機。我想打書釘都唔會等書展啦，平日至少會有地方企。
四圍都見到有 《Harry Potter and the Deathly Hallows》 最貴嘅 168 而平嘅就 158，依本 best seller 訂又唔會早Ｄ到手，又唔會買唔到，事先訂反而會貴左…………到底訂的話有咩用？我有唸過買本，可以用來學下英文(之前的都係讀中譯)，不過最後我都無買。原因係，如果我買，我會買全場都無影嘅 Adult Edition 封面。我都係等中譯，之後才再由第一半開始讀英文版吧……
另外有一樣野一定要鬧，就係個 book search，我今年特地排隊去再試一試，無論係網上版本定係場內嘅 terminal。同前幾年一樣，一Ｄ進步都無，而且比住年更差嘅係今年個 DB 好似空嘅一樣，揾咩無咩(唔信嘅即時可以試下)，唔只係我，我見到好幾到人都無應。破破爛爛而且咩都揾唔到就算啦，重要係，而且又唔提下可能係佢自己唔夠料。首先，數碼港唔係好遠，就算同 Yahoo/Google/百度合作，出錢又好當落廣告都好，好心就找Ｄ比較專業嘅人寫個 system ！另外，放個 keyboard, mouse 或者手寫版都唔過份呱？要人用一陽指係完全唔跟 QWERT 的反應極慢的 touch screen 打字！？？？重有呀重有呀，點解無 wireless access？例如有 PDA 可以事先 download，或者即場 web access search 都得呱？如果有埋 NDS download 版 search 就重好(發夢啦你)。下年再無進步，真係被Ｄ客人笑死呀，識得走去玩”走訪著名地標”同埋”訪港旅客特別通道”，但連咁大個咁迫嘅場地去邊揾書都話唔到比人知。重有另外想鬧嘅係，點解要Ｄ人坐地下？
可惜揾唔到田中芳樹的亞爾斯蘭戰記(或任何舊書)，不過總算揾得到另一本主要目標石田衣良的反自殺俱樂部。 之後大約７點離場，而我同好多人一樣，係花多幾分鐘睇理個日落先至走。發現剛好用曬身上的 Cash，大約花了不到三百吧？但我唸都夠我睇半年有多。連埋之前未睇完嘅，下次買書都應該係書展。
石田衣良畢業於日本的成蹊大學經濟學系，在廣告公司工作過，亦做過倉庫管理、地下鐵工人，有輕微對人恐懼。1997年以《池袋西口公園》（池袋ウエストゲートパーク）獲得第36屆「ALL讀物」的推理小說新人獎。２００３年以《4Teen》（4TEEN フォーティーン）獲得第129屆直木賞。除了寫作之外，目前也是自由文案工作者。
Quote From wikipedia:石田衣良 唔知點解，我個人好似比較鍾意睇翻譯的日本小說。西方小說的唔係唔好睇，不過 Good & Evil 分得好清楚，非黑即白，少左Ｄ灰色，唔太鍾意(好似美國對其他國家咁，唔支持自己就係敵人)。大陸嘅唔係選擇之內，又簡體，又政治化。香港和台灣係就係繁體，不過近年唔覺有比較出色的作家，古裝武俠又唔係我杯茶。我比較鐘意會讓人思考很多的故事。 最初知道這一位作家，是由三色台在深夜時段播出的 《BIG MONEY(金融小子)》 。由 長瀨智也，原田泰造，植木等 演出，當時每個星期也會追看。故事講原本一竅不通的門外漢白戶則道(長瀨智也)偶然下被(傳說中的)投機家小塚泰平(植木等)收為入室弟子，打倒一間惡質銀行。我後來才知道長瀨智也之前就已經演出過他的另一套出品《池袋西口公園》。 《BIG MONEY(金融小子)》簡介:
後來才得知這作品是由小說波のうえの魔術師（《波上的魔術師》）改篇而成，後來來書店看到此書，就買回來了。老實說，TV版改篇和原創的部份很多，但總算依著原著走；沒有篇離原來的主題（否則我大既不會對它有興趣吧？） 石田衣良
我拜讀過他的《池袋西口公園》 1-4 , 《波上的魔術師》, 《秋葉原@DEEP》和另外幾部短篇。(除了 @Deep 個結局麻麻地之外, 其他寫實的都係好野) 在他的作品當中，可以說每個人都有著不同的惡質或不幸，在描寫社會的黑暗當中卻帶一點青年的活力。仔細寫描寫社會和心底的黑暗，可是從溫暖的文筆看得到卻的是在深夜晴空的星光。
