係地區 newsgroup 上長達７年不活躍的神秘網友：我，第一次出現在網聚活動之中。

首先係下午開始打起羽毛球，係等人嘅時候順便量一下體重，雖然唔係好準確，但計落 BMI 只都係 24~25 左右。都唔明點解Ｄ同事會以為我肥，可能係我上半身明顯比較瘦無 muscle，而顯得條腰相對地粗，我腰圍明明未到 30 吋，佢地居然估我係 40 吋以下水平。

好在我有睇過下 blog 上面嘅相認得人，之後打左一陣羽毛球，不過實在好耐無真正咁做左運動(單位為年份)，好快又要休息。不過 warm up 左之後都無問題，可能係最近無聊時有幾下掌上壓(雖然每次只做一 round)，而不至於 “姐手姐腳”。

打左幾 round 羽毛球，又打左幾 round Mario cart DS(我果然會是第一名)，出左一身汗感覺好正。不過打玩身體泠郤下來之後，手腳都出現少少酸痛，我唸要休息兩三日先至會無事。係我想買嘅野的 waiting list 上面又多幾份野，打羽毛球的裝備：拍，球，運動時用嘅衣物；不過份 waiting list 嘅基本原則係，除非係短期內有需要，否則它就只會在 waiting 而唔會買—–即係得個想字唔會買。最少找到有人每兩三星期陪我打一次，否則我唔會投資錢落去。

之後大家各自走，晚上先至再聚過開始火鍋。好多肉出現，menu 上面都無豆苗，而最後叫唯一一份蔬菜都無出現。而傳聞之中嘅象拔蚌刺身唔錯，不過我唔食生嘅 seafood，都係食熟嘅。計理條數，每人$125 都算抵食。

今日天氣雖然熱，但我反而覺得好 enjoy 依一種盛夏嘅熱，只要有少少風我就可以接受。我一向唔怕熱而怕泠，係太陽底下流下汗曬下不知幾好，反而唔鍾意成日開住冷氣機，以前身體唔好，一開冷氣我就唔舒服。

Blog, 火鍋, 熱, 網聚