今日放工，又同班同事一齊去燒野食。左三點由荃灣千色一齊坐車入去。
但居然係一齊等 van 仔嘅時候，突然『啪～』一聲！
一件白色的物件係我視線內突然出現， 而地面更突然有水績，心知不妙；當時後面有幾個同事，右邊係車路，左邊有其他行人，無從閃避。
大約半秒～一秒之後，反彈到半空的水點落到我地身上。而我個位比較接近，首當其衝中左唔少，唯一值得安心嘅係－－－應該只係清水…………
係閃避、整理衣物、閙左幾句之後都係走返去原本個位等車，其間我地其中幾個人不時頭向上望。
好在係第二度攻擊未出現之前就等到有車，開車時有個警察出現，不過無人知佢係路過定係點樣。
９個人一路打 NDS 直入小欖，今次個場好過上次個好多，上次個場真係除左地點近之外無一可取之處。
小欖 D 野食都幾 OK，個場就睇下咩位置啦。日落之後無咁熱先至可以全世界圍埋係個爐一齊燒，不過入夜開始人多，行出行入都幾麻煩。
我想一個人花費大約一百左右，但係由四點，一邊食一邊玩直到十一點幾，都好抵玩。
